gure sistemen segurtasuna

Online Banka-ekin jardutea erabat segurua da. Zure eragiketa guztien isilekotasuna eta segurtasuna bermatze aldera, era guztietako neurri teknikoak eskaintzen ditugu.

Online Banka zerbitzuko orri guztiak zerbitzari seguruan* daude, ondoko ezaugarriengatik ezagutu dezakezuna:

.	Nabigatzailearen helbide-barran ikus dezakezu Kutxabank-ren orri seguruak 'https://www.kutxabank.es/...' erakoak direla (ohiko 'http:// delakoaren ordez)
.	Gainera, orri segururen behealdean, eskuman, itxita dagoen giltzarrapo horia agertzen da beti. Giltzarrapoan bi aldiz sakatuta, segurtasun-ziurtagiriari buruzko informazioa ikusiko duzu:
	-	ziurtagiria zein orritarako eman den (gure kasuan, www.kutxabank.es)
	-	ziurtagiriaren jaulkitzailea (Verisign, Inc. nazioarteko erakundea.)
	-	indarraldia

* Gure zerbitzua zerbitzari seguruan jartzeak berak zera dakar: zure ordenadorearen eta gure zerbitzariaren artean trukatzen den informazioaren isilekotasuna bermatzea, bi gailuen artean 128 bit-eko gakoetan oinarritutako konexio zifratua sortzen delako, SSL protokoloa erabiltzen duena; honek igorritako informaziora sartzea eragozten die hirugarrenei.

Orri seguru hauetatik kanpora, ez duzu inoiz zure datu edo gako pertsonalik eman behar. Hori horrela dela eta, Kutxabank-k bermatu egiten dizu ez dizula inoiz eskatuko datu konfidentzialik posta elektroniko, telefono edo antzekoen bidez.

Era berean, ez zaitez inoiz sartu Online Banka-era posta elektronikoetako mezuetako esteken bidez (ikusi "phising"). Sar zaitez zerbitzura beti www.kutxabank.es orriaren bidez. Halaber, ez duzu zure gakorik eman behar telefonoz, salbu eta 901 33 55 66 zenbakiko Kutxabank telefonoz zerbitzuarekin ari zarenean.

Kutxabank-ren izenean telefono-dei edo posta-mezuren bat jasoz gero, ez zaitez fidatu eta deitu Kutxabank telefonoz-901 33 55 66 zerbitzura gertatutakoa jakinarazteko.

Gure zerbitzuak barne dituen bestelako segurtasun-neurriak hauexek dira:

.	deskonexio automatikoko sistema, prozesua eten egiten duena eragiketarik egin gabe hainbat minutu igaro eta gero.

.	Azken konexioaren eguna eta ordua, zeuk egin ez duzun konexiorik gertatu ote den ikus dezazun .